Ekipi i futbollit të Tiranës provoi sot shijen më të hidhur të humbjeve që ka pësuar prej krijimit në vitin 1920. Për herë të parë në historinë e tij ekipi i kryeqytetit bie nga Kategoria Superiore. Ndeshja me Vllazninë përfundoi në barazim, por fitorja e Laçit me Teutën i vuri vulën dështimit.
Pjesa e parë ishte e gjitha nën diktatin e Vllaznisë që zotërojë lojën duke krijuar disa raste për shënim. Ndërsa 45 minutat e dyta ishte Tiranë më kërkues, ku me kalimin e minutave tentuan të provojnë më shumë drejt portës së Vllaznisë, por pa mundur të shënonin golin e mbijetesës.
Në fundin e ndeshjes nuk mungoi dhe tensioni mes lojtarëve, ku arbitri ndëshkoi me të kuqe nga Pjeshkën e Vllaznisë dhe Cisse për Tiranën.
Laçi e Flamurtari bënë detyrën duke fituar në ndeshjen e fundit. Laçi siguroi mbijetesën me fitoren 2-1 ndaj Teutës, ndërsa Flamurtari fitoi pastër 0-3 ndaj Korabit.
Në dy ndeshjet e tjera që kishin vlerë vetëm statistikore. Skënderbeu-Partizani u mbyll në barazim 2-2, ndërsa Luftëtari mundi kampionët e Kukësit, duke i shkaktuar humbjen e parë në këtë kampionat, pikërisht në javën e fundit, atëherë kur të gjitha synimet i kishte arritur.
Top Channel
