Vdekja e shqiptarit paralizon Brukselin
10/04/2012 00:00
“Katër pedagogë janë arrestuar sot në Shkodër”, Avokati jep detaje: Merrnin para nga studentët për provime, nuk e bëjnë publike sepse… 26/04 19:31
Qeveria belge ka njoftuar punonjësit e transportit publik, të hedhur në
grevë, se 400 policë shtesë do të vendosen në Bruksel pasi një inspektor
transporti u rrah për vdekje me grushte.
Viktima, quhej Iliaz Tahiraj, 56 vjeç me origjinë shqiptare, që punonte prej 29 vitesh në rrjetin e transportit, STIB.
Agresioni i ndodhur ditën e shtunë shkaktoi mbylljen e metrosë dhe rrjetit të autobusëve, të cilët kanë mbetur të paralizuar edhe gjatë së martës.
Inspektori shqiptar u sulmua në vendin ku ishte përplasur një makinë dhe një autobus dhe humbi jetën nga goditjet e marra në kokë. Personi i dyshuar si agresor u arrestua.
Brukseli është selia qendrore e Komisionit Evropian dhe NATO-s dhe është si një magnet për shumë organizata ndërkombëtare.
Agresori, 28 vjeç, ishte një pasagjer në makinën që u përplas dhe e goditi inspektorin në fytyrë duke e përplasur në tokë. Ai vdiq më vonë në spital.
Zyra e prokurorit të Brukselit, duke iu referuar deklaratave të dëshmitarëve dhe vetë agresorit, njofton se inspektori u godit nga një grusht i vetëm.
Qindra kolegë të tij marshuan të irrituar në qendrën e Brukselit ditën e hënë në shënjë proteste ndaj vdekjes së Tahirajt.
Njoftimi për masa shtesë sigurie erdhi pas bisedimeve të së hënës mes autoriteteve federale, menaxherëve të rrjetit STIB dhe përfaqësuesve të sindikatave të transportit.
Top Channel
