Një punëtor 18-vjeçar me origjinë shqiptare ka mbetur i plagosur rëndë në Itali, pasi ka rënë nga një lartësi prej rreth 10 metrash.
Ngjarja ka ndodhur rreth orës 15:00 në via Senato, në qendër të Milanos, shkruajnë mediat vendase.
I riu ishte duke punuar në një kantier ndërtimi brenda një pallati në rinovim, ndërsa ende nuk dihet arsyeja.
Zjarrfikësja e Milanos ndërhyri në vendngjarje dhe morën masat për sigurimin e të riut dhe nxjerrjen e tij, nëpërmjet një manovre komplekse dhe të detajuar.
Punëtori iu besua menjëherë punonjësve shëndetësorë dhe është transportuar në spitalin e Niguardës. Gjendja e tij është e rëndë. Në vendngjarje ndodhej edhe personeli i policisë lokale.
Top Channel
