Berat, dokumentar per kodiket e famshem

15/10/2009 10:05

Kodiket e famshem te Beratit, vlera e te cileve eshte pjese e pasurise se njerezimit, jane bere pjese e nje dokumentari historik e fetar, i cili eshte paraqitur per qytetaret e Beratit ne diten kushtuar trashegimise kulturore.

Pikerisht ne kete dite, dokumentari qe mban regjine e Ylli Pepos eshte shfaqur ne ambjentet e pallatit te kultures “Margarita Tutulani”.

Dokumentari i quajtur “Beratinus” ka ne qender te tij dy kodiket e famshem te cilet jane gjetur vite me pare ne nje kishe ne kete qytet dhe sot ruhen ne Muzeun Kombetar per vete vlerat qe ata mbartin.

Keta kodike kane shfaqur interesin e regjizorit te famshem Ylli Pepo, i cili i ka sjelle ata nepermjet dokumentarit te tij qe flet rreth zbulimit te tyre, vlerave te padiskutuara qe ata mbartin dhe restaurimeve qe i jane nenshtruar.

Dokumentari eshte ndjekur me mjaft interes nga pushtetare lokale, por dhe qytetare te Beratit.

Regjizori Ylli Pepo eshte shprehur rreth ketij dokumentari se kane qene vlerat e ketyre kodikeve te cilat hedhin drite mbi historine fetare te vendit tone dhe qytetit te Beratit ne vecanti, qe zgjuan tek ai deshiren per t’i bera ata pjese e nje dokumentari te detajuar.

Ai shprehet se realizimin e tij e mundesoi ne mbeshtetjen e dokumentave origjinale qe flasin rreth historikut te tyre profesoret e tyre Shaban Sinani, Neritan Ceka dhe Aleksander Meksi.

Top Channel