Bayerni i Mynihut pësoi golin më të shpejtë në historinë e Bundesligës gjermane. Në ndeshjen me Augsburgun, skuadra kampione e Gjermanisë e pa veten në disavantazh pas vetëm 8 sekondash lojë pas një gafe të Manuel Neuer.
Gjithçka ndodhi në momentin e shkelmimit të parë të topit nga ana e bavarezëve. Luis Diaz pasoi prapa te Neuer që e zgjati me kontrollin e tij. Nën presionin e Robin Fellhauer, portieri kampion i botës në 2014 tentoi të niste lojën te sulmuesi i djathtë, por sulmuesi i Augsburg interceptoi topin duke e marrë atë për të shënuar i pashqetësuar në portën e mbetur bosh.
Ky rekord i ri përmirëson me 1 sekondë, atë të shënuar nga Kevin Volland(me Hoffenheim në gusht të vitit 2015, gjithnjë kundër Bayernit të Mynihut) dhe Karim Bellarabi( me Leverkusen në gusht të 2023 kundër Borussia Dortmund). Përsa i përket ndeshjes, sfida mes Augsburgut dhe Bayernit të Mynihut u mbyll me barazimin 2-2, njw rezultat ky që e zbret skuadrën e Vincent Kompany në vendin e dytë, ndërkohë që në krye ngjitet Borussia Dortmund.
VIDEO e golit të Augsburg pas gafës së Neuer
Top Channel
