Tifozët në revoltë për salçiçet, klubi gjerman detyrohet të dalë me deklaratë zyrtare 09/10 22:44
Skema e ngjyrave
Madhësia e shkrimit
Cristiano Ronaldo vazhdon të shkruajë historinë e futbollit.
Ylli portugez shënoi golin e tij të 980-të në karrierë, duke e afruar edhe më shumë me objektivin madhor prej 1,000 golash, një shifër që asnjë futbollist profesionist nuk e ka arritur deri më tani.
Sulmuesi 41-vjeçar zhbllokoi rezultatin në përballjen mes Al Nassr dhe Al Diriyah të Berat Gjimshitit, të zhvilluar të premten në mbrëmje në kuadër të kampionatit saudit. Ronaldo realizoi në minutën e 23-të me një goditje të djathtë, duke përfituar nga topi i kthyer prej portierit kundërshtar pas një goditjeje të fortë të Kingsley Coman.
Ky ishte goli i katërt i Ronaldos në këtë sezon të kampionatit saudit. Kapiteni i Al Nassr tregoi edhe një herë instinktin e tij të jashtëzakonshëm para portës, duke reaguar më shpejt se të gjithë të tjerët dhe duke e dërguar topin në rrjetë.
Al Nassr shkoi në pushimin e pjesës së parë në avantazh 2-0, pasi Samu Costa shënoi me kokë pas një goditjeje këndi të João Félix.
Goli i fundit merr një rëndësi të veçantë edhe për shkak të javëve të trazuara që Ronaldo ka kaluar me kombëtaren portugeze. Më 30 shtator, ai u largua nga grumbullimi i Portugalisë përpara ndeshjes me Danimarkën, pasi trajneri Jorge Jesus kishte bërë të ditur se nuk do ta aktivizonte si titullar. Më pas, sulmuesi publikoi një deklaratë ku shpjegoi vendimin e tij, duke marrë përgjegjësinë për largimin dhe duke theksuar se nuk kishte ndërmend të tërhiqej nga futbolli ndërkombëtar.
Tashmë, vëmendja rikthehet te objektivi historik. Ronaldo ka realizuar golat e tij me Sportingun, Manchester United, Real Madridin, Juventusin, Al Nassr dhe kombëtaren e Portugalisë.
Top Channel
