Plani 20 miliardë dollarësh i FIFA-s për Botërorin, Kushner: Nuk do të ishim përfshirë, s’e kishim kuptuar politikën e futbollit 31/08 19:11
Skema e ngjyrave
Madhësia e shkrimit
Avionët luftarakë polakë kanë interceptuar një tjetër avion zbulues rus mbi Detin Baltik, pa pasur shkelje të hapësirës ajrore të Polonisë.
Ministri polak i Mbrojtjes, Wladyslaw Kosyniak-Kamysz, tha se incidenti ndodhi para mesditës, rreth 30 kilometra në veri të Lembës. Sipas tij, avionët polakë interceptuan një avion zbulues rus të tipit Ilyushin Il-20.
“Rusia testoi përsëri sistemet tona të mbrojtjes dhe sistemet kundërajrore”, shkroi ministri në një postim në X, duke theksuar se nuk pati shkelje të hapësirës ajrore polake mbi Baltik.
Ky është incidenti i fundit në një seri të ngjashme. Tre raste të tjera që përfshinin avionë zbulimi rusë mbi Detin Baltik janë raportuar gjatë muajve të fundit.
Gjatë një “përgjimi në fluturim”, pilotët e avionëve luftarakë vendosin kontakt vizual me ekuipazhin e avionit të huaj dhe i japin sinjal për t’u larguar nga zona.
Në Poloni dhe në vendet baltike, incidentet e tilla kanë shtuar shqetësimet se Rusia mund të rrisë provokimet ndaj vendeve të NATO-s, përfshirë përmes fluturimeve të avionëve zbulues.
Top Channel
