Tërmeti shkatërrues në Venezuelë/ Debat për pallatet e shembura, çfarë janë blloqet e bardha në rrënoja 29/06 13:11
Skema e ngjyrave
Madhësia e shkrimit
Presidenti rus Vladimir Putin deklaroi se Rusia do të vazhdojë ofensivën ushtarake në Ukrainë deri në marrjen e plotë nën kontroll të katër rajoneve që Moska pretendon se i ka aneksuar në vitin 2022, duke hedhur poshtë propozimin e Kievit për një ulje të pjesshme të luftimeve.
Në një intervistë për televizionin shtetëror rus, Putin tha se Ukraina kishte propozuar pezullimin e ndërsjellë të sulmeve me rreze të gjatë veprimi, por sipas tij ky propozim synon vetëm t’i japë kohë forcave ukrainase të riorganizohen.
“Është e qartë pse po bëhet ky propozim. Sulmet tona në thellësi të territorit ukrainas janë më të forta dhe më shkatërruese”, u shpreh presidenti rus.
Putin theksoi se objektivi kryesor i Rusisë mbetet “çlirimi i plotë” i Donetskut, Luhanskut, Zaporizhias dhe Khersonit, rajone që Moska i konsideron pjesë të territorit të saj, megjithëse kontrollon vetëm një pjesë të tyre.
🚨 HUGE: PUTIN ADMITS RUSSIA IS FACING A FUEL CRISIS FOR THE FIRST TIME EVER
Vladimir Putin admitted that Russia is facing a fuel shortage after Ukrainian strikes on fuel infrastructure.
He confirmed that Russia has begun drawing from its strategic fuel reserves, while… pic.twitter.com/kw1lf9FZTH
— Coin Bureau (@coinbureau) June 29, 2026
Presidenti rus pranoi gjithashtu se sulmet me dronë ukrainas ndaj infrastrukturës energjetike kanë shkaktuar mungesa karburanti në disa rajone të Rusisë. Megjithatë, ai tha se situata është nën kontroll dhe se autoritetet po marrin masa për të forcuar mbrojtjen ajrore dhe sigurinë e infrastrukturës kritike.
Sipas Putinit, sulmet ukrainase nuk kanë ndikuar në ecurinë e operacioneve ushtarake në vijën e frontit.
Russian President Vladimir Putin:
If Ukraine is really capturing and liberating more and more territory—if it is truly winning—then Western leaders should simply wait.
If all of that is true, Russia's strategic defeat would supposedly happen on its own pic.twitter.com/wuKVCHhdjx
— Tabz (@TabzLIVE) June 29, 2026
Lideri rus foli edhe për mundësinë e rifillimit të kontakteve diplomatike me Shtetet e Bashkuara pas uljes së tensioneve në Lindjen e Mesme, duke lënë të hapur mundësinë e takimeve të reja me përfaqësuesit amerikanë Steve Witkoff dhe Jared Kushner.
Nga ana tjetër, Putin refuzoi sërish kërkesën e presidentit ukrainas Volodymyr Zelensky për një takim të drejtpërdrejtë, duke e cilësuar një bisedë ballë për ballë si të panevojshme në kushtet aktuale.
Top Channel
