Evropa nën pushtetin e të nxehtit, automjetet e policisë hedhin ujë mbi qytetarët në Gjermani

Sipas agjencisë franceze të shëndetit publik, numri i viktimave të lidhura me të nxehtin ka shkuar në rreth 1,000 persona vetëm në Francë. Shumica e të ndjerëve janë të moshuar, ndërsa autoritetet paralajmërojnë se shifrat mund të rriten pasi të dhënat ende po përditësohen nga spitalet dhe qendrat e kujdesit.

Në shumë vende të Evropës, përfshirë Gjermaninë, Francën, Austrinë dhe Poloninë, temperaturat ekstreme kanë shkaktuar probleme serioze në jetën e përditshme. Në Berlin, policia përdori automjete me topa uji për të freskuar turmat në rrugë, ndërsa qytetarëve u është bërë thirrje të shmangin ekspozimin në diell dhe të qëndrojnë të hidratuar.

Germany recorded its highest temperature on record on Sunday, with thermometers reaching 41.7C as an intense heatwave swept across the country.

In Berlin, police officers sprayed water on residents to help them cool down as soaring temperatures continued to strain daily life.… pic.twitter.com/pKbqlEqaa9

— ANews (@anews) June 29, 2026

Shkencëtarët e kanë cilësuar këtë episod si një nga valët më të forta të të nxehtit ndonjëherë në Evropë, duke paralajmëruar se ndryshimet klimatike po i bëjnë këto fenomene më të shpeshta dhe më të rrezikshme. Sipas tyre, ngjarje të tilla që dikur ndodhnin rrallë, tashmë po kthehen në një dukuri pothuajse vjetore.

#Video: 🇩🇪 Berlin police are using water cannons to cool down crowds as Germany grapples with an intense heatwave sweeping across parts of Europe.

Authorities have urged residents to stay hydrated, avoid prolonged exposure to the sun, and take necessary precautions as… pic.twitter.com/fLhNCfdEcs

— News Edition (@NewsEdition_1) June 29, 2026

Problemet janë reflektuar edhe në sektorin e energjisë dhe transportit. Disa linja hekurudhore janë pezulluar ose kufizuar për shkak të temperaturave të larta që dëmtojnë infrastrukturën, ndërsa rrjetet elektrike janë vënë nën presion të madh nga kërkesa e shtuar për ftohje.

Në Hungari, një central bërthamor ka ulur prodhimin për shkak të mbinxehjes së ujërave të lumit Danub që përdoren për ftohje, ndërsa në Itali niveli i ulët i lumit Po ka shkaktuar hyrje të ujit të detit në brendësi të tokës, duke rrezikuar bujqësinë.

Autoritetet paralajmërojnë se në ditët në vijim disa zona mund të përballen me stuhi të forta, ndërsa vala e të nxehtit pritet të zhvendoset gradualisht drejt Evropës Qendrore dhe Ballkanit.

Top Channel