Florentino Perez ka siguruar një tjetër mandat në krye të Real Madridit, pas zgjedhjeve të mbajtura të dielën e 7 qershorit.
Perez ka fituar bindshëm duke marrë 64.1% të votave përballë rivalit Enrique Riquelme, dhe lëvizja e tij e parë madhore ka qenë zyrtarizimi i rikthimit të Jose Mourinhos në “Santiago Bernabeu”.
Detajet e marrëveshjes dhe kontrata e re
Rikthimi i teknikut portugez nuk ishte një surprizë e çastit. Sipas raportimeve nga gazetari i njohur i The Athletic, David Ornstein, Mourinho kishte nënshkruar një parakontratë me klubin madrilen përpara se të mësohej rezultati i votimeve.
Kohëzgjatja: “The Special One” (63 vjeç) ka pranuar kushtet për një projekt afatgjatë, duke firmosur një kontratë që e lidh me Real Madridin deri në qershor të vitit 2029.
Stafi teknik: Aktualisht po punohet me ritme të shpejta për përcaktimin e emrave që do të plotësojnë stafin ndihmës të portugezit.
Prezantimi zyrtar pritet gjatë ditës së sotme
De jure, klubi i Real Madridit pritet të lëshojë komunikatën zyrtare dhe të bëjë prezantimin e trajnerit pikërisht gjatë ditës së sotme (8 qershor). Ky rikthim shënon epokën e dytë të Mourinhos në kryeqytetin spanjoll, pas periudhës së tij të parë të suksesshme dhe intensive në vitet 2010-2013.
Top Channel
