Foto/ Trump pret Mbretin Charles për diskutime në Zyrën Ovale, të pranishme edhe Mbretëresha Camilla dhe Zonja e Parë, Melania Trump 28/04 19:11
Superjahti luksoz “Nord”, i lidhur me miliarderin rus të sanksionuar Alexei Mordashov, ka kaluar nëpër Ngushtica e Hormuzit gjatë fundjavës, pavarësisht kufizimeve të forta dhe tensioneve të vazhdueshme në këtë korridor detar strategjik.
Sipas të dhënave të platformës Marine Traffic, anija 142 metra u nis nga Dubai të premten në mbrëmje dhe mbërriti në Marinën Al Mouj në Muscat, Oman, të dielën në mëngjes. “Nord” është ndër jahtet e pakta private që kanë kaluar në këtë zonë muajt e fundit, ndërkohë që shumica e mjeteve detare e shmangin për shkak të rreziqeve.
Anija lidhet me Mordashov, një aleat i afërt i presidentit rus Vladimir Putin, edhe pse nuk figuron zyrtarisht në emrin e tij. Sipas raportimeve, ajo është regjistruar në vitin 2022 në emër të një kompanie në pronësi të bashkëshortes së tij dhe vlera e saj vlerësohet mbi 500 milionë dollarë.
Guerre au Moyen-Orient: le superyacht d'un oligarque russe a franchi le détroit d'Ormuz pic.twitter.com/cNFeXaRDLQ
— BFM (@BFMTV) April 28, 2026
Kalimi i saj vjen në një moment kur Irani vijon të kufizojë lundrimin në Ngushticën e Hormuzit, pas tensioneve me Shtetet e Bashkuara dhe njoftimeve të presidentit Donald Trump për masa bllokuese ndaj porteve iraniane. Rreth 20% e furnizimit global me naftë dhe gaz natyror të lëngshëm kalon zakonisht nëpër këtë ngushticë.
Ndërkohë, në sfondin e krizës, Teherani ka intensifikuar kontaktet diplomatike me Moskën. Presidenti rus Vladimir Putin priti një delegacion iranian në Shën Petersburg, ku ministri i Jashtëm Abbas Araghchi e cilësoi marrëdhënien mes dy vendeve si “strategjike”. Në takim ishte i pranishëm edhe ministri i Jashtëm rus Sergei Lavrov.
Sipas TASS, Putin deklaroi se populli iranian po “lufton me guxim” për sovranitetin e tij përballë presioneve nga SHBA dhe Izraeli.
Alexei Mordashov është nën sanksione nga vendet perëndimore, përfshirë Bashkimin Evropian dhe Mbretërinë e Bashkuar, pas pushtimit të Ukrainës në vitin 2022. Ai është gjithashtu drejtues i Severstal dhe një nga njerëzit më të pasur në Rusi, me një pasuri të vlerësuar rreth 37 miliardë dollarë sipas Forbes.
Nuk është bërë e ditur nëse Mordashov ndodhej në bord gjatë kalimit të jahtit nëpër Ngushticën e Hormuzit.
Top Channel
