“Bënte 7 kilometra dhe nuk ankohej”/ Mësuesi 55-vjeçar ndërroi jetë nga infarkti në Maliq, familjarët në lot: Vdiq në mes të rrugës dhe la një amanet 17/04 11:42
Një asteroid me madhësinë e tre fushave të futbollit do të kalojë pranë Tokës brenda tre vitesh, duke ofruar një mundësi të rrallë për shkencëtarët që ta studiojnë nga afër këtë kolos hapësinor.
I mbiquajtur Apofis, sipas hyjnisë egjiptiane të njohur si “Zoti i kaosit”, asteroid pritet t’i afrohet planetit tonë më 13 prill 2029, njofton NASA. Asteroidi do të jetë vetëm 32,186 kilometra larg sipërfaqes së Tokës, që do të thotë më afër sesa shumë satelitë që ndodhen në orbitë.
Shkencëtarët e konsiderojnë Apofisin si “një asteroid potencialisht të rrezikshëm”, por NASA nuk mendon se mund të ketë përplasje me Tokën për të paktën 100 vjet. “Ai nuk përbën kërcënim për planetin, për banorët e tij, astronautët apo satelitët në hapësirë,” shpjegoi agjencia.
Ngjarja në vetvete megjithatë konsiderohet si një mundësi e jashtëzakonshme për të mësuar më shumë rreth Apophis dhe asteroidëve të tjerë që lëvizin pranë Tokës. Një asteroid aq i madh që kalon kaq afër planetit tonë është shumë i rrallë; NASA vlerëson se fenomene të tilla ndodhin mesatarisht vetëm një herë në disa mijëra vjet.
Nëse ky vlerësim është i saktë, kalimi i Apofisit në vitin 2029 do të jetë hera e parë në histori që një ngjarje e tillë do të vëzhgohet nga afër me teknologjinë moderne.
Top Channel
