Tirana mori një fitore të rëndësishme për çështjen e mbijetesës së Kategorinë Superiore.
Skuadra e drejtuar nga Orges Shehi iu imponua Vorës në ‘Selman Stërmasi’ duke e mundur me rezultatin e pastër 3-0 dhe duke u barazuar në pikë me të.
Tirana e zhbllokoi rezultatin në pjesën e parë, pikërisht në minutën e 12 me golin e Alvarez për të marrë avantazhin në 1-0, një rezultat me të cilin u mbyll pjesa e parë. Pas pushimit të ndeshjes ai që mori rolin e protagonistit për të besuarit e Orges Shehit ishte pikërisht Redon Xhixha i cili shënoi një dygolësh në këtë ndeshje.
Fillimisht Xhixha shënoi në minutën e 66 dhe më pas në të 80 për të fiksuar fitoren 3-0 të Tiranës e cila shkon në 27 pikë po aq sa edhe Vora, duke iu shkëputur në të njëjtën kohë me 3 pikë edhe Flamurtarit në vendin e fundit të klasifikimit
Top Channel
