“Më mirë i përgatitur se i penduar”, BE-ja nis masat për krizën e energjisë
04/04 14:00
Presidenti amerikan Donald Trump komentoi të martën se sulmet e Iranit ndaj vendeve fqinje e kane befasuar edhe ate vetë.
Gjatë një takimi në Zyrën Ovale me kancelarin gjerman Friedrich Merz, Trump u shpreh: “Çuditërisht, ata po godasin vende që ishin, e dini, le t’i quajmë neutrale…. U habita dhe tani të gjitha këto vende po luftojnë kundër tyre dhe po luftojnë fuqishëm kundër tyre.”
Presidenti theksoi se sulmet hakmarrëse të Iranit tregojnë “nivelin e së keqes me të cilën po merremi” dhe se objektivat përfshijnë vende civile, hotele dhe ndërtesa apartamentesh. Ai nënvizoi se veprimet e SHBA-së janë të drejtuara për t’i goditur ata aty ku është më e përshtatshme dhe me forcë maksimale.
Komentet e Trump pasqyrojnë ato që ai u kishte thënë më parë gazetarit Jake Tapper të CNN-së, duke vënë në dukje se “surpriza më e madhe” ishin sulmet e Iranit ndaj vendeve arabe në rajon, një zhvillim që ka rritur tensionet në Lindjen e Mesme dhe shqetësimet për sigurinë globale.
Top Channel
