Ipswich Town ka shprehur interes për të sjellë yllin shqiptar të Bristol City, Anis Mehmeti, para mbylljes së merkatos së transferimeve.
Sipas burimeve të Football Insider, Mehmeti ka një kontratë që skadon në verën e këtij viti, dhe Ipswich po shpreson të sigurojë shërbimet e tij për të përforcuar skuadrën e tyre dhe për të shtuar shanset për një rikthim në Premier League.
Edhe pse Bristol City po vazhdon negociatat për rinovimin e kontratës së tij, Ipswich është i gatshëm të testojë vendosmërinë e klubit për ta mbajtur atë.
Mehmeti ka shënuar 9 gola dhe ka dhënë 6 asiste në 30 paraqitje në të gjitha kompeticionet deri më tani këtë sezon.
25-vjeçari është bërë një nga lojtarët më të mirë sulmues në Championship që nga momenti që iu bashkua klubit të Bristol City gjatë merkatos së janarit 2023.
Me Ipswich që synon të rikthehet në Premier League sezonin e ardhshëm, Mehmeti është bërë një opsion tërheqës falë paraqitjeve të tij të shkëlqyera në këtë sezon.
Anis Mehmeti ishte një nga zgjedhjet e para të Sylvinhos kur braziliani mori drejtimin e Kombëtares shqiptare, por prej tre vitesh, 25-vjeçari nuk e ka veshur fanellën kuqezi, pavarësisht performancave mjaft të mira me Bristol City.
Top Channel
