E zhdukur prej një muaji nga shtëpia, gjendet e vrarë 19-vjeçarja/ Policia zbulon detajet e para 31/12 09:22
Kryeministri izraelit Benjamin Netanyahu ka akuzuar Iranin se po zgjeron aktivitetet e tij terroriste përtej Lindjes së Mesme, duke përfshirë edhe Amerikën Latine, konkretisht Venezuelën.
Netanyahu deklaroi se Teherani po shfrytëzon praninë e tij në rajon për të synuar në mënyrë indirekte Shtetet e Bashkuara, përmes trafikut të drogës dhe rrjeteve kriminale.
“Irani po e bën ndikimin e tij të ndihet kudo, duke eksportuar terrorizëm jo vetëm në çdo pjesë të Lindjes së Mesme, por edhe në Venezuelë”, tha Netanyahu.
Sipas mediave, autoritetet iraniane bashkëpunojnë ngushtë me qeverinë e presidentit venezuelian Nicolás Maduro, duke ndihmuar në shtrirjen e aktiviteteve të dyshuara terroriste në kontinentin amerikan.
Netanyahu pohoi gjithashtu se grupi Hezbollah ka pasur prej kohësh një prani operative në Venezuelë.
“Hezbollahu ka pasur një bazë në Venezuelë për një kohë të gjatë”, tha ai, duke shtuar se ndërsa organizata përdor armë kundër Izraelit, “ajo përdor trafikun e drogës për të goditur Shtetet e Bashkuara”.
Deri më tani, nuk ka pasur reagime zyrtare nga Irani apo Venezuela lidhur me këto deklarata.
Top Channel
