Charles Leclerc nuk i mungon fantazia, si në pistë ku gjithnjë realizon parakalime që pak vetë i shohin, ashtu edhe në jetën e përditshme. Këtë e dëshmon dhurata për Krishtlindje që ai i bëri George Russell me rastin e ‘Babagjyshit Sekret’ të organizuar nga Formula 1.
Piloti i Ferrarit rezultoi se duhej t’i bënte dhuratë kolegut të tij te Mercedes me të cilin pati një polemikë të vogël në Çmimin e Madh të Holandës në pistën e Zandvoord. Gjatë kësaj gare, Leclerc u bë protagonist i një parakalimi të mrekullueshëm edhe pse të rrezikshëm ndaj Russell që në ato momente u ankua për manovrën e tepruar të rivalit të tij te Ferrari.
Një polemikë që u shua praktikisht menjëherë pasi Leclerc u tërhoq nga gara për shkak të një incidenti me pilotin tjetër të Mercedes, Andrea Kimi Antonelli. Megjithatë Leclerc nuk e harroi atë moment të bukur dhe kështu i dhuroi Russell një foto të atij episodi të vendosur në kornize me versionin digjital ku ishte edhe video e manovrës. Reagimi i Russell nuk vonoi; britaniku, kur hapi dhuratën e mori me shumë ironi duke thënë se ai ndoshta do i dhurojë Leclerc një foto kur antonelli e nxori nga pista.
george: i’m lost for words…
“do you wanna wish him a merry christmas?”
george: i’m lost for words…
“do you wanna wish him a merry christmas?”
george: not really, to be honest. maybe i’ll get him another photo of kimi crashing him out of the race
😭😭😭😭💀💀 pic.twitter.com/Lpe3ka45tR
— clara (@leclercsletters) December 23, 2025
Top Channel
