Serie A/Inter nuk gabon, zikaltrit mundin pastër Cagliarin, edhe një hap më pranë titullit 17/04 22:49
Milani arriti një fitore të rëndësishme ndaj Torinos falë golave të Pavlovic, Rabiot dhe Fofana, por ajo që bie menjëherë në sy është se sulmuesit e skuadrës vazhdojnë të jenë pa gola.
Që nga 18 shkurti, dita e ndeshjes Milan-Como, i vetmi lojtar ofensiv që ka shënuar në gjashtë ndeshjet e mëvonshme është Rafa Leao, me golin e barazimit kundër Cremonese në minutën e 95-të.
Problemi me mungesën e golave të sulmuesve ka qenë sfidë për trajnerin Massimiliano Allegri gjatë gjithë sezonit. Sidomos kundër ekipeve të vogla, që mbyllen pas, Milani ka ndjerë mungesën e një bomberi të vërtetë në zonë.
Edhe ardhja e Niclas Fullkrug në janar, për të zëvendësuar Gimenez-in e dëmtuar, nuk ka zgjidhur problemin. Sulmuesi gjerman nisi mirë me golin vendimtar ndaj Lecce-s në San Siro, por më pas ka humbur ritmin. Një rikuperim i tij, edhe për një shifër relativisht të ulët prej 5 milionë eurosh, duket i vështirë.
E njëjta fatkeqësi ka ndodhur me Christopher Nkunku. Sulmuesi francez erdhi në verë nga Chelsea për 40 milionë euro dhe dukej se po ngrihej në formë me 4 gola në tre ndeshje, përfshirë dopietën kundër Veronës. Por nga mesi i janarit, ai ka shënuar vetëm 1 gol dhe ka dhënë 1 asist në dy muajt e fundit.
Edhe Christian Pulisic ka treguar dy fytyra këtë sezon. Amerikani e nisi sezonin shumë mirë fillimisht me 8 gola dhe 2 asist në 17 ndeshje, por në 2026 ai ende kërkon golin e parë. Pozicioni i tij në skuadër nuk është i diskutueshëm dhe ai pritet të mbetet në Milano përveç nëse vijnë oferta të papërballueshme.
Vetëm Leao ka mbajtur një ritëm të qëndrueshëm këtë vit, me 5 gola që nga janari dhe 9 gjithsej në kampionat. Megjithatë, ai është në syrin e tifozëve për sjelljen dhe pozicionin në fushë, duke luajtur si sulmues qendror në formacionin 3-5-2 të Allegri-t, jo pozicioni i tij i preferuar. Një largim i tij në merkato mund të hapë rrugën për një “revolucion ofensiv”.
Top Channel
