Koloneli ukrainas jep pamje të përgjithshme për frontin e luftës: Beteja e madhe po bëhet me dronë, rusët janë më të shumtë në numër, por… 07/11 12:18
Pak përpara ceremonisë se inaugurimit të bashkëshortit, Melania Trump befasoi me lajmin se do të hedhë në treg kriptomonedhën e saj.
Bashkëshortja e presidentit të ri amerikan njoftoi lançimin e $Melania, monedhë kjo që përshkruhet si “shprehje e mbështetjes për vlerat e mishëruara të Zonjës së Parë”. Vlera e kriptomonedhës së Melania-s u rrit shpejt, një skenar ky i cili u pa në fakt edhe më lëshimin e kriptomonedhës $Trump të premten, e cila shënoi fitime të mëdha brenda pak orësh. Melania është një aset kripto i krijuar dhe gjurmuar në blockchain-in Solana.
Sipas faqes së internetit të CoinMarketCap, $Trump ka një vlerë totale tregu prej rreth 12 miliardë dollarë, ndërsa $ Melania qëndron në rreth 1.7 miliardë dollarë. Trump më parë i konsideronte monedhat dixhitale një mashtrim, megjithatë gjatë fushatës zgjedhore në 2024-tën u bë kandidati i parë presidencial që pranoi asete dixhitale si donacione. Ai madje shkoi më tej duke u zotuar të krijojë një rezervë strategjike në bitcoin dhe të caktojë rregullatorë financiarë që do të marrin një qëndrim më pozitiv ndaj aseteve dixhitale. Në vazhdën e fitores së tij, bitcoin shënoi një rekord të lartë dhe aktualisht po tregtohet me rreth 107,000 dollarë, sipas platformës së tregtimit të kriptomonedhave, Coinbase. Kriptovalutat e tjera, duke përfshirë dogecoin, e cila është promovuar nga miliarderi dhe përkrahësi i fortë i Trumpit, Elon Musk, kanë pësuar gjithashtu rritje të ndjeshme këtë vit.
Gjatë presidencës Biden, kishin përmendur vazhdimisht shqetësime lidhur me mundësinë e mashtrimit dhe pastrimit të parave përmes monedhave dixhitale, ndërsa kishin goditur kompanitë e kriptomonedhave duke paditur shkëmbimet e tyre.
Top Channel
