Sot ndizen dritat e festave në Tiranë, festimet do të zgjasin deri në orët e para të mëngjesit
02/12 14:32
Për herë të parë qendrat shëndetësore shkollat dhe disa sektorë të bujqësisë do të menaxhohen nga bashkitë.
Do e jetë kjo e fundit që do të emërojë nëpërmjet një bordi të përbashkët drejtorin e qendrës shëndetësore apo kontrollin e orarit të mjekut që shërben në të.
“Nuk do të kemi vetëm godinën, por edhe personelin mjekësor”, Arber Mazniku, ministër i pushtetit vendor.
E njëjta gjë do të funksionojë edhe për shkollat apo për veterinerët.
“Do të ketë një bord të përbashkët me ministrin Arsimit për të vendosur drejtorin e shkollës”, tha Mazniku.
Kjo qasje e re ka nisur te pilotohet në 4 bashki të vendit si në Shkodër, Berat, Divjakë dhe Ersekë që nga tetori i këtij viti dhe zgjat 12 muaj.
“Është direktivë e BE që shërbimet të ofrohen aty ku është qytetari dhe bashkitë janë afër qytetarit”, tha Mazniku.
Nëse ky model i ri do të funksionojë në këto 4 bashki atëherë kjo skemë do të shtrihet në të gjitha bashkitë e vendit duke zgjeruar kështu funksionet e bashkive dhe kalimin e disa kompetencave nga qeveria qendrore drejt pushtetit vendor.
Top Channel
