Fiks Fare/ Përjashtoi dhe quajti kriminelë nxënësit që e bënë ‘meme’, reagon drejtoresha: Ajo që u publikua është…
16/10 20:49
Një parashutist ka shpërndarë në rrjet pamjet e habitshme që tregojnë një qen që ‘eksploron’ majën e piramidës së famshme të Gizës në Egjipt.
Por askush nuk mund të tregojë si kafsha ka arritur të ngjitet në strukturën misterioze 150 metra të lartë.
Piramida ka mbajtur titullin e strukturës më të madhe të ndërtuar nga njeriu prej gati 4,000 vjetësh.
Por teksa parashutisti vizitor Alex Lang, po eksploronte piramidën nga qielli, ai pa qenin në majën e saj që nuhaste rreth blloqeve gjigante të gurit.
Qeni i guximshëm nuk dukej i shqetësuar as nga lartësia dhe as nga terreni i ashpër, madje i lehte dhe zogjve që fluturonin mbi të.
Në pamjet që janë shikuar miliona herë në rrjet, Lang shihet që fluturon në parashutën me motor duke shijuar panoramën e mrekullueshme poshte.
Lang thotë se e dinte se do të shihte gjëra tërheqëse në fluturimin e tij të 14 tetorit por jo që të gjente kafshë në majë të piramidës.
Në komente përdoruesit vlerësonin qenin duke shkruar: “Asnjë nga shokët e tij nuk do ta besojnë kur t’i thotë se ku ka qenë”.
Të tjerë cilësonin racën e qenve të rrugës në Egjipt që shpesh shihen dhe në vizatimet e lashta.
“Nuk është një qen, është zoti egjiptian Anubis,” shtoi me shaka një përdorues.
“Ai konsiderohet guida e të vdekurve në botën e përtejme dhe mbrojtës i tumave të lashta”, shkruante përdoruesi, sipas rrjeti The Sun.
Në të tjera foto përdoruesit flisnin për qentë e rrugës në Egjipt, shumë prej të cilëve jetojnë rreth piramidave të lashta dhe shoqërojnë turistët në vizitat e tyre.
Top Channel
