“Ndizet” rrjeti, Kanye West i jep fund lidhjes me Bianca Censorin pas dy viteve martesë
08/10 21:26
Kompania Qantas u ka kërkuar falje pasagjerëve në një fluturim nga Sidnei në Japoni, pasi një film me përmbajtje seksuale u vu në ekranet e pasagjerëve në aeroplan.
Pasagjerëve në fluturimin për në Haneda iu shfaq Daddio, një film i vitit 2023 me Dakota Johnson dhe Sean Penn.
Filmi është vlerësuar me R për “gjuhën dhe materialin seksual” në SHBA dhe MA15+ për “gjuhën e ashpër” në Australi.
Problemet teknike nënkuptonin se përzgjedhja individuale e filmit nuk ishte e disponueshme, kështu që pas një kërkese nga disa pasagjerë, ekuipazhi zgjodhi të shfaqte filmin për të gjithë fluturimin. Pasi pasagjerët kuptuan përmbajtjen e filmit, anëtarët e ekuipazhit e stopuan atë dhe në vend të kësaj vendosën një film për fëmijë në ekrane, sipas The Guardian.
“Filmi nuk ishte qartësisht i përshtatshëm për t’u luajtur gjatë gjithë fluturimit dhe ne u kërkojmë sinqerisht falje klientëve për këtë përvojë”, tha një zëdhënës i Qantas.
“Të gjitha ekranet u ndryshuan në një film miqësor për familjen për pjesën tjetër të fluturimit, që është praktika jonë standarde për rastet e rralla kur përzgjedhja individuale e filmit nuk është e mundur.
“Ne po shqyrtojmë se si u përzgjodh filmi.”
Pas fluturimit, disa pasagjerë ndanë përvojën në rrjetet sociale. Njëri e përshkroi filmin si “40 minuta penis dhe gjoks”.
“Këta fëmijë të gjorë dhe prindërit e tyre pse duhej t dëgjonin gulçimet nëpër avion”, shkroi pasagjeri.
Top Channel
