Raketat “Storm Shadow” të prodhuara në Mbretërinë e Bashkuar sulmojnë brenda Rusisë për herë të parë 20/11 16:29
Bija e mbretit të popullit aborigjen të Zelandës së Re, Tūheitia Pōtatau Te Wherowhero ka marrë fronin e të atit pas vdekjes së tij në moshën 69 vjeçare.
27 vjeçarja Ngā wai hono i te po, është mbretëresha e re dhe gruaja e dytë që bëhet monarke Māori sipas traditës së daton nga viti 1858.
Funerali disa ditor i mbretit Tūheitia përfshinte jo vetëm fise Māori por dhe liderë të partive politike, ish-kryeministra dhe liderë të komb-ishujve të paqësorit, diplomatë dhe përfaqesues të kurorës britanike.
Mijëra të ftuar erdhën në ngricën e mëngjesit, duke parkuar larg makinat e tyre e duke ecur në rrugët e spërdredhura rurale në këmbë, ose me fëmijë mbi shpatulla.
Nga Wai Hono itepo Paki, është bija e vetme e mbretit të ndjerë dhe u prezantua si mbretëresha e re ditën e fundit të funeralit gjashtë-ditor, duke nisur një epokë të re në lëvizjen e rezistencës Maori, shkruan The Guardian.
Kiingi Tuheitea vdiq një javë më parë në moshën 69 vjeçare pas një operacioni në zemër.
Në ceremoninë në qytetin e vogël Ngāruawāhia, mbretëresha e re u shoqërua në fron nga këshilli i 12 të vjetërve. Posti nuk trashëgohet automatikisht pasi mbreti ka gjithashtu dy djem.
Përfaqësuesi vendas Tekau-Maa-Rua tha se çeremonia e rëndësishme daton shumë gjenerata më parë.
“Ne ndjekim ceremoninë tikanga të krijuar nga pasardhësit tanë për të bashkuar e fuqizuar popullin tonë, kemi zgjedhur Nga Wai Hono si monarken tonë të re”, tha përfaqësuesi i vjetër, duke shtuar se mbretëresha ishte lyer me vajrat e shenjtë dhe bekuar me Biblën që kurorëzoi mbretin e parë Māori në 1858./The Guardian/
Top Channel
