Një grup shqiptarësh janë dënuar në Angli, pasi merreshin me trafikim të emigrantëve dhe kultivim kanabisi.
Sipas njoftimit të “Thamesvalley police”, të cilës i referohet Top Channel, ndaj tyre është kryer një hetim i madh për lidhje me krimin e organizuar, ndërsa kanë zbuluar edhe identitetet e tyre.
Dritan Meta, 43 vjeç, u deklarua fajtor për komplot për të trafikun e paligjshëm të imigracionit në Mbretërinë e Bashkuar në Gjykatën e Kurorës Reading më 15 prill të këtij viti. Ai ishte deklaruar më herët fajtor për prodhim të kanabisit në të njëjtën gjykatë më 20 mars.
Ilir Kodra, 49 vjeç, u deklarua fajtor për të njëjtën vepër imigracioni më 20 maj.
Refik Skepi, 45 vjeç, u deklarua fajtor për prodhim kanabisi më 20 mars.
Visar Elezaj, 39 vjeç, nga Balfour Road, Oxford, u shpall fajtor për prodhim kanabisi pas një gjyqi pesë-javor, i cili përfundoi më 18 prill.
Në një seancë dëgjimore në Gjykatën e Reading Croën të martën, kreu i këtij grupi, Meta, u dënua me gjithsej 11 vjet burg, ndërsa Skepi u dënua me 6 vjet burg. Kodra u burgos me katër vjet e shtatë muaj, ndërsa Elezaj me tre vjet e gjashtë muaj.
Hetimi me bazë në Oksford filloi në prill 2022, ku oficerët evidentuan një furnizim në shkallë të gjerë të drogës dhe kultivim të kanabisit në shkallë kombëtare.
Pikërisht gjatë këtij hetimi u zbuluan provat rreth transportimit të emigrantëve nga Dunkirk në Francë në Britani të Madhe, duke përdorur gomone.
Hetimi zbuloi se Meta dhe Kodra ishin të përfshirë në kalimin e të paktën tre emigrantëve më 16 gusht 2022. Në këtë vepër penale u përfshinë gjithsej 49 persona, pesë prej të cilëve fëmijë nën dhjetë vjeç, duke kaluar kanalin anglez.
Tre nga emigrantët në bordin e varkës u ndihmuan nga Kodra dhe Meta për të hyrë në MB. Roja bregdetare e Mbretërisë së Bashkuar shpëtoi emigrantët, pasi anija filloi të fundosej në Kanal, por asnjë nga personat në bord.
Hetimi për kultivimin e drogës zbuloi se Meta, Skepi dhe Elezaj kishin marrë kontrollin e një njësie të madhe industriale në Essex.
Gjatë këtij kontrolli u zbulua se ishte një fabrikë kanabisi shumë e sofistikuar, që kultivonte rreth 1000 bimë. Vlera e drogës në treg ishte midis 1.3 dhe 1.6 milion paund.
Dy adresa të tjera në Oksford, u identifikuan gjithashtu si shtëpi bari gjatë hetimit, të lidhura me Metën dhe Elezajn. Në total u gjetën rreth 200 kg kanabis.
Pas arrestimit të tyre, Meta dhe Kodra u akuzuan më 3 shtator 2023, ndërsa Skepi dhe Elezaj u akuzuan më 12 shtator.
Top Channel
