Tre vëllezër janë vënë në pranga pasi akuzohen se kanë plagosur një person në gjendje të rëndë.
“Akuzohen se plagosën rëndë një shtetas, rreth 1 vit më parë, në Mirditë, duke e goditur atë me sende të forta, për motive të dobëta, kapen dhe vihen në pranga 3 shtetas (vëllezër)”, thuhet në njoftimin e policisë.
Në kuadër të operacionit policor të koduar “Brothers”/”Sundimi i ligjit”, u ndaluan shtetasit në kërkim:
Edmond Marku 36 vjeç, Mark Marku 33 vjeç, Loni Marku 29 vjeç banues në Thirrë të Mirditës.
Gjykata e Shkallës së Parë e Juridiksionit të Përgjithshëm Lezhë i ka caktuar këtyre shtetasve masën e sigurisë “Arrest në burg”, për veprën penale “Plagosja e rëndë me dashje”, kryer në bashkëpunim”, pasi dyshohet se më datë 12.05.2023, në Fan, Mirditë, kanë goditur me sende të forta shtetasin B. N., për motive të dobëta.
Materialet i kaluan Prokurorisë, për veprime të mëtejshme.
Top Channel
