Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Phunjo Lama ka vendosur rekordin e ri të ngjitjes në majën më të lartë në vetëm 15 orë
Mëngjesin e sotëm raportohet se Phunjo Lama ka rifituar titullin e gruas që ngjit majën e Everest.
Ajo nisi ngjitjen e saj nga kampi i bazës dje pasdite në 3.52, dhe kishte arritur në majë të malit më shumë se 8000metra të lartë në ora 6.23 mëngjesin e sotëm.
Rekordi i ri u konfirmua nga kreu i monitoruesve Khim Lal Gautam, cituar nga agjencia vendase The Himalayan Times.
Zonja Lama është alpiniste nga fshati vendas Chhokangparo. Ajo është bërë e famshme prej vitit 2018 kur shënoi rekordin e gruas më të shpejtë që ngjit Himalajën në 39 orë e 6 minuta.
Rekordi saj u thye rrjedhimisht në 2021 nga kinezja Ada Tsang Yin-hung, 45 vjeçare nga Hong Kong e cila realizoi ngjitjen në 25 orë e 50 minuta.
Me nisjen e sezonit të ri të ngjitjeve, Lama vendosi të rimerrte titullin e saj, tha kreu i shoqatës së alpinistëve të Everest, Shiva Bahadur Sapkota.
Zonja Lama, e cila raportohet se është në të tridhjetat e saj dhe nënë e një fëmije, ishte stërvitur në Alpe zvicerjane dhe ia dedikonte ngjitjen festivalit budist Buddha Jayanti, si dhe paqes botërore.
Ajo është gjithashtu pilote shpëtimi helikopteri me skuadrat e Nepalit, dhe ka marrë disa çmime nderimi nga autoritetet e vendit.
Top Channel
