Momentet e pabesueshme kur burri ‘rikthehet nga vdekja’ pak para se të futej në krematorium në Indi (foto-video)
25/11 15:22
Një fushatë e re, e quajtur Noor (“dritë” në persisht), u njoftua në të njëjtën ditë që regjimi iranian nisi sulmet me dron kundër Izraelit, për të goditur “shkeljet” e rregullave të hixhabit, sipas të cilës të gjitha gratë duhet të mbulojnë kokat në publik.
Disa orë më vonë, videot e verifikuara nga grupet e të drejtave të njeriut tregonin gra dhe vajza që arrestoheshin me forcë nga agjentët e famëkeqit Gasht-e-Irshad (“policia e moralit”) bënë xhiron e rrjetit.
Një nënë dhe bijë duke ecur nëpër një shesh të frekuentuar të Teheranit u rrethuan nga pesë agjente femra dhe dy agjentë meshkuj, të cilët hodhën fyerje dhe akuza para se t’i kapnin ato. Kur ata i rezistuan arrestimit, ata u tërhoqën zvarrë në furgon, tha një burim, i afërm i tyre.
Dina Ghalibaf, një studente në Universitetin Shahid Beheshti të Teheranit ishte ndër të parat që postoi në Tëitter për një konfrontim. Në llogarinë e saj tashmë të pezulluar X (ish-Tëitter), ajo tha: “Dje në dhomën e policisë së stacionit të metrosë Sadeghiyeh, insistova se kisha të drejtë të përdorja metronë si qytetare dhe taksapaguese. Por më pas, ata më tërhoqën zvarrë në një dhomë. Më prangosën dhe një nga oficerët më sulmoi seksualisht.”
Një ditë pas postimit të saj, thuhet se ajo u arrestua dhe u transferua në burgun famëkeq Evin. Agjencia e lajmeve Mizan njoftoi se Ghalibaf do të përballet me veprime ligjore dhe hodhi poshtë akuzat e saj për sulm seksual.
E burgosura e çmimit Nobel për paqe, Narges Mohammadi dërgoi një mesazh zanor të publikuar nga të afërmit në Instagram, për plagosjen e dukshme të Ghalibaf. Në postim, ajo u kërkoi grave iraniane të ndajnë historitë e tyre të arrestimit dhe sulmeve seksuale nga forcat e sigurisë.
The Guardian foli me familjet e dy grave që u arrestuan javën e kaluar dhe tre grave që u arrestuan nga Gasht-e-Irshad. Një e re nga Teherani tha: “Rreth tetë agjentë më rrethuan të shtunën dhe filluan të më bërtasin. Ata thonë fyerje si ‘kurvë’, ‘zuskë e zhveshur e adhuruese e Amerikës’, duke më shkelmuar në këmbë, në stomak dhe kudo. Nuk u intereson se ku të godasin.”
Një grua tjetër tha: “Si gratë dhe burrat na prekin trupat gjatë arrestimeve. Ata thonë se janë myslimanë fetarë dhe besnikë, por nuk u intereson nëse agjentët meshkuj na prekin trupat tanë, gjë që supozohet se është e ndaluar për ta. Ishin rreth gjashtë agjente gra të këqija dhe tre prej tyre më sulmuan. Dy prej tyre m’i mbajtën duart [prapa] dhe njëri prej tyre u përpoq të më hidhte në furgonin e bardhë. Dy agjentë meshkuj më kapën me dhunë nga krahët dhe më shtynë në furgon. Ndërsa në furgon, ata po na abuzonin verbalisht dhe na çuan pesë ose gjashtë prej nesh – të arrestuar për hixhab – në qendrën e paraburgimit në Gisha”.
Gruaja shtoi se në qendrën e paraburgimit ka parë rreth 40 gra të ndaluara. Pasi kaluan më shumë se pesë orë në paraburgim, ku iu nënshtruan ofendimeve dhe rrahjeve, disa nga gratë u liruan.
Një anëtar i familjes i tha Guardian: “Nëna ime u godit me shkelm në këmbët e saj dhe tani ka plagosje dhe lëndime të forta në këmbë.”
The Guardian ka parë fotografitë e të paktën dy grave që treguan shenja të sulmeve të dhunshme, të cilat ata thonë se ndodhën gjatë ndalimit të tyre javën e kaluar. Që kur protestat mbarëkombëtare pushtuan Iranin pas vdekjes në paraburgim të gruas kurde 22-vjeçare Jina Mahsa Amini , organizatat e pavarura të të drejtave të njeriut dhe misioni i OKB-së për Iranin kanë hetuar rastet e përdhunimeve dhe sulmeve seksuale të protestuesve, duke arritur në përfundimin se Regjimi iranian kreu krime kundër njerëzimit.
Shabnam, një student, tha: “Rreth sheshit Valiasr ka gjithmonë policë të pranishëm. Nuk është vetëm ‘polici e moralit’ apo ndalimi i hixhabit, madje edhe policia rrugore është bashkuar për ta bërë jetën tonë ferr. Ata ndalojnë motoçikletat, makinat, taksitë … kudo që gjejnë gra duke vozitur ose ulur pa hixhab. Disa gjobiten, disave u konfiskohen automjetet dhe të tjerëve ikin me një paralajmërim, por më vonë marrin një SMS që duhet të vijnë dhe të dorëzojnë automjetin e tyre sepse kanë kundërshtuar rregullat e hixhabit. Shumë nga miqtë e mi kanë marrë këto SMS.”
Masih Alinejad, një gazetare iraniano-amerikane, ka nisur fushatën e bashkuar kundër diferencimit gjinor në bashkëpunim me aktivistë iranianë dhe afganë.
“Dua që bota e lirë të dëgjojë historitë tragjike të grave që përjetuan diskriminim gjinor në Iran dhe Afganistan në një lëvizje të bashkuar,” tha ajo.
Kosar Eftekhari, një artist 24-vjeçar u verbua nga forcat e sigurisë gjatë protestave dhe tani u është bashkuar grave të tjera për të folur. “Unë u arrestova tetë herë nga ‘policia e moralit’ – Republika Islamike më mori shikimin thjesht për shkak se u zbulova,” tha Eftekhari, duke u kërkuar liderëve botërorë që të njohin dhe klasifikojnë Republikën Islamike si një regjim aparteidi gjinor.
Top Channel
