Situata e tmerrshme për gratë dhe fëmijët afganë 25/11 08:12
Meksika raportohet se po ndërpret lidhjet diplomatike me Ekuadorin pas bastisjes së policisë ekuadoriane të ambasadës meksikane në kryeqytetin Quito, për të arrestuar ish-zëvendës-presidentin e vendit, Jorge Glas që strehohej aty.
Presidenti meskikan Andrés Manuel López Obrador tha sot se zyrtarët kishin “hyrë forcërisht” në ambasadë, që është një “shkelje flagrante e ligjit ndërkombëtar”.
Glas strehohej prej dhjetorit në ambasadë kur qeveria e Ekuadorit lëshoi një urdhër-arresti ndaj tij për akuza korrupsioni.
Glas i mohon akuzat dhe avokati i tij thotë se është i pafajshëm.
Ai ka qenë zv-president i vendit në vitet 2013 deri në 2017, kur u shkarkua prej akuzave në rritje për korrupsion.
Më pas ai u dënua me gjashtë vjet burg për korrupsion në lidhje me kompaninë ndërtuese braziliane Odebrecht, nga e cila prokurorët thanë se Glas ka marrë rryshfete deri në $13.5 milionë.
Pas lirimit të tij në nëntor zyrtarët lëshuan një tjetër urdhër-arrest korrupsioni, që kësaj here detyroi atë të kërkonte strehim në ambasadën e Meksikës.
Dje u bë ndalimi i tij brenda ambasadës së Meksikës e cila raportohet se i kishte dhënë azil politik. Për këtë të fundit presidenti i vendit tha:
“Ekuadori është një vend sovran dhe nuk lejon asnjë kriminel të qëndrojë i lirë. Glas është dënuar me burgim nga drejtësia ekuadoriane”.
Pamjet nga skenat e djeshme tregojnë policinë që ngjitej në muret e ambasadës meksikane që cila mbante portën e mbyllur.
Presidenti meksikan Obrador tha se si rezultat i veprimeve kishte urdhëruar ndërprerjen e menjëhershme të marrëdhënieve diplomatike.
Tensionet mes dy vendeve ishin rritur javët e fundit pas disa komenteve të Obrador për dhunën e përdorur në zgjedhjet e vitit të kaluar n Ekuador.
Ekuadori kishte dëbuar ambasadorin e mëparshëm meksikan si ‘persona non grata’.
Top Channel
