Aktori i njohur dhe ish-banor i Big Brother Vip 2, Elvis Pupa, ishte sot në ‘Fun Club’ përmes një lidhjeje me ‘Skype’. Si një koleg i Egla Cenos, me të cilën kanë pasur disa skeçe që publiku i ka përqafuar shumë, ku luanin rolin e çiftit, ai ka folur pak më shumë për lojën e saj në shtëpi.
Visi tha se nuk dëshiron që të futet në jetën private të njerëzve, por Egla si kolege sipas tij është një njeri shumë korrekte dhe e saktë.
Ndërkohë duke folur për situatën në shtëpi, ai tha se ka disa norma shoqërore që duhen respektuar, por nuk përmendi emra dhe nuk u pozicionua krah ndonjë banori, apo kundër.
Pjesë nga intervista:
Vis Pupa: Ne edhe Big Brother e bëmë ‘alla shqiptarshe’… por kjo nuk më takon mua ta vendos. Unë si publik shoh disa personazhe publik, se termin BIG unë nuk e kuptoj dhe nuk e shpjegoj dot, që kanë një karrierë artistike të caktuar në skenë, në momentin që dalin para publikut ato influencojnë. Sesi zgjedh, është e drejta e gjithsecili, por shoqëria ka krijuar disa norma që të përshtatemi në shoqëri dhe nuk themi dot unë kështu jam. Nëse nuk përshtatesh dot në komunitet, shko jeto në pyll.
Po luan Egla?
Vis Pupa: Unë merrem me fenomenin, mua më shqetëson fenomeni… unë kam punuar me Eglën, në punë ka qenë shumë korrekte, shumë profesioniste. Në punë e respektoj, ka qenë shumë korrekte, shumë e saktë. Nuk futem në jetën private.
Ka pasur shpërthime gjatë punës?
Vis Pupa: Unë nuk jam psikolog, por shpërthime gjatë punës janë shumë normale.
Top Channel
