Hakerët kinezë po përgatiten për një konflikt me SHBA-në! Zyrtari i lartë amerikan: Pritet të kryejnë sulme kibernetike 23/11 07:30
Administratori i kompanisë eksportuese të ngarkesës me tranguj që kthyen pak ditë më parë nga Gjermania shpjegon përdorimin e pesticidit Oksamil.
Por ndryshe nga sa thotë AKU, se është tejkaluar norma, administratori shpjegon se preparati është i ndaluar në BE. Nuk është e hera e parë që ngarkesat ndalohen në vende të bllokut shprehet Lulzim Sari, pasi u ka ndodhur edhe kompanive të tjera.
“Arsyeja e kthimit sipas AKU është se ka tejkaluar norma. Por s’është kjo e vërteta. Kjo është e ndaluar në BE që prej shtatorit. Unë kam një listë me 36 preparate qe nuk lejohen të importohen, por vetëm të përdoren në Republikën e Shqipërisë. Ka dalë në nëntor 2023. Por kanë dalë nga qarkullimi prej 3-4 vitesh”, u shpreh administratori i kompanisë.
“Kemi bërë gjurmueshmërinë, u bë verifikimi. Subjekti nuk shet në vend, por jashtë”, tha inspektori i AKU Fier, Krenar Çuni.
Por, ndërsa inspektori i AKU në Fier flet për bllokimin, administratori i kompanisë thotë se preparate të tilla duhen nxjerrë nga qarkullimi sepse përdoren në të gjithë Shqipërinë, ndaj duhet të ndërhyjë ministria.
“Kërkoj ndërhyrje nga shteti për ndalimin e këtyre preparateve edhe në vendin tonë, pasi jo vetëm që produktet po kthehen nga eksporti, por një pjese e mirë e këtyre produkteve tregtohet dhe në tregun vendas. Ky lloj problemi do të vazhdojë nëse shteti nuk merr masa”, tha Lulzim Sari.
Top Channel
