Gjendet kanabis në proces tharje në Pukë dhe Malësi të Madhe, një i arrestuar
19/10/2023 15:02
Aksident me vdekje në Tiranë, humb jetën shoferi 45-vjeçar 23/12 19:22
Dy raste të kultivimit të lëndëve narkotike janë zbuluar në fshatin Dom të Pukës dhe në fshatin Selcë të Malësisë së Madhe.
Në fshatin Selcë u gjetën të kultivuara në tokë 38 bimë të dyshuara narkotike cannabis sativa. Në afërsi të vendit ku u gjetën bimët, u zbulua edhe një ambient i përshtatur për tharjen e bimëve narkotike.
Në këtë ambient u gjetën qindra degë bimë të dyshuara narkotike cannabis sativa, në proces tharjeje, si dhe rreth 2.6 kilogramë lëndë e dyshuar narkotike cannabis sativa, në formë boçeje. Bimët narkotike u asgjësuan nëpërmjet djegies, ndërsa lënda narkotike u sekuestrua në cilësinë e provës materiale. Autorët janë në arrati.
Në fshatin Dom, Pukë, në afërsi të banesës së shtetasit A. L., u gjetën 24 bimë të dyshuara narkotike cannabis sativa, të kultivuara në vazo, si dhe 201 gramë lëndë të dyshuar narkotike cannabis sativa, në proces tharjeje. 24-vjeçari u arrestua ndërsa kanabisi u asgjësua nëpërmjet djegies.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Top Channel
