Letra e Klopp për Liverpool-in: Qyteti i mikpritësve dhe futbollit, faleminderit dhe lamtumirë! 18/05 22:54
Erzeni ishte skuadra e konsideruar që befasoi këdo vitin e shkuar me paraqitjet e saj sportive mjaft të mira edhe pse fundi i sezonit nuk ishte i njëjtë me fillimin e tij.
I menaxhuar nga shoqata e Erzenit dhe Bashkia e Shijakut, klubi arriti të mbijetojë në Superiore edhe për këtë edicion dhe duket që nga ky sezon do të ketë një fytyrë të re.
Ali Kasa quhet presidenti i ri i Shijakut i prezantuar pak ditë më parë pas takimit edhe me krerët e pushtetit lokal të qytetit dhe shoqatës së klubit të Erzeni.
Projektet e biznesmenit me origjinë nga Peqini por i emigruar në Australi, duket të jenë mjaft premtuese duke filluar nga infrastruktura, me projektin e ndërtimit të një qendre sportive stërvitore, e cila i është garantuar si sipërfaqe nga pushteti lokal në bashkëpunim nga Federate Shqiptare e Futbollit dhe tek pjesa e lojtarëve dhe trajnerit.
Edhe pse është mjaft vonë për të formuar një skuadër solide dhe pretendente, duket se drejtuesi teknik i ekipit të Erzenit për sezonin e ri do të jetë trajneri Ernest Gjoka, një emër i njohur dhe me eksperiencë jo vetëm në futbollin vendas.
Megjithatë ende pritet të konfirmohet zyrtarisht për të nisur përgatitjet e kampionatit të ardhshëm, i cili në këtë sezon sipas edhe vendimit të Komitetit Ekzekutiv të FSHF do të startojë më 19 gusht.
Top Channel
