E mbyllur gjithë jetën në kafaz, emocionuese kur shimpanzeja 29-vjeçare shikon qiellin për herë të parë

Deri në moshën dyvjeçare ajo jetoi në një laborator eksperimental në New York, më pas ajo qëndroi në një strehë në Kaliforni derisa u zhvendos në shenjtëroren e hapur të “Save the Chimps” në Fort Pierce, Florida.

Momenti kur Vanilla pa qiellin e hapur me shumë gëzim, u filmua dhe po bën xhiron e rrjetit. Kjo ishte  hera e parë që shimpanzeja 29-vjeçare ishte jashtë një kafazi ose rrethimi 5 metra. Vanilla u përshëndet me një shimpanze tjetër mashkull alfa Dwight, duke e mirëpritur në shtëpinë e saj të re, ku do të jetojë me 18 shimpanze të tjera.

Videoja është filmuar nga primatologu i Save the Chimps Dr Andreë Halloran, i cili  tha për New York Post: Në Kaliforni, Vanilla jetonte me disa shimpanze të tjera brenda një kafazi me gardh me zinxhir, pa bar.

Halloran tha se Vanilla, e cila përshkruhet nga Save the Chimps si e pavarur, kurioze dhe inteligjente, kur nuk është duke eksploruar ishullin e saj të ri me shimpanzetë e tjera, ajo ulet në në një lartësi ku i mundëson pamje nga bota e saj e re.

Ajo shkon mirë me 18 shimpanzetë në ishullin e saj, shtoi Halloran dhe tha se Vanilla gëzonte një marrëdhënie të veçantë me mashkullin alfa Dwight, të cilit ndonjëherë i vjedh ushqimin.

Top Channel