“Do marrim gazin amerikan”, Mali i Zi ndërton terminal për LNG
13/05/2023 17:41
Mali i Zi, arrestohen tetë pjesëtarë të policisë kufitare, të dyshuar për marrje ryshfetesh 24/04 17:33
Ikën gazi rus, vjen gazi amerikan: Përfaqësues të qeverisë malazeze dhe të kompanive amerikane firmosën në Podgoricë një Memorandum për zbatimin e dy projekteve të rëndësishme të infrastrukturës energjetike.
Kryeministri Dritan Abazoviç sqaroi se projektet në fjalë do të ndihmojnë ndër të tjera të zvogëlohet varësia e vendit nga gazi rus. Bëhet fjalë për ndërtimin e një terminali për importin e gazit të lëngshëm natyror (LNG) dhe instalimin e një termocentrali me gaz, furnizimi i të cilit do të vijë përmes terminalit. Si projekti i terminalit, ashtu dhe ai i termocentralit do të jenë në portin e Tivarit.
“Kjo është e rëndësishme në mënyrë gjeopolitike për ne, sepse zvogëlon varësinë nga gazi rus. Por mbi të gjitha, kjo tregon se ne e dimë drejt kujt duam të lëvizë vendi ynë në 10 apo 20 vitet e ardhshme“, tha Dritan Abazoviç, kryeministër i Malit te Zi.
Memorandumi u nënshkrua nga Abazoviç, Phil Pyle, përfaqësues i Enerflex Energy Systems dhe Olin L. Wethington, president dhe shef ekzekutiv i Wethington Energy Innovation. Wethington tha se Mali i Zi do të gjejë tek kompanitë amerikane partnerin më të mirë teknologjik.
Sipas dokumentit, terminali dhe termocentrali duhet të nisin punën diku nga fundi i vitit 2025. Ata nuk saktësuan datën e fillimit të punimeve apo vlerën e investimit, duke pohuar se kjo do të varet nga shumë faktorë.
Top Channel
