Kinemaja në zi, ndahet nga jeta në moshën 69-vjeçare aktori i njohur i filmave horror 09/11 08:03
Një modele e “OnlyFans”, e cila kishte një ngjashmëri të madhe me Kim Kardashian, ka humbur jetën nga një atak zemre, pas një operacioni plastik.
Christina Ashten Gourkani, 34 vjeç, e cila njihej si Ashten në internet, vdiq në spital të enjten disa orë pas operacionit.
Familja e saj ndau lajmin e trishtuar në internet dhe hapi një faqe GoFundMe, në një përpjekje për të ndihmuar në shpenzimet e funeralit të saj javën e ardhshme.
Në një deklaratë, familja shprehu tronditjen dhe pikëllimin e saj për humbjen e Christina.
“Me dhimbje të thellë dhe një zemër të thyer, njoftojmë vdekjen tronditëse dhe të papritur të vajzës dhe motrës sonë të dashur, Christina Ashten Gourkani.”
Në orën 4:30 të mëngjesit një person nga familja kuptoi se diçka nuk po shkonte me Christina-n dhe njoftoi menjëherë mjekët. Ajo kishte pësuar një arrest kardiak dhe mjekët e kishin të pamundur për ta shpëtuar.
Modelja e OnlyFans Mary Magdalene bëri një shkrim emocionale në Instagram për vdekjen e Christina Ashten.
“Unë nuk e njoh atë, por gjithmonë e shihja rastësisht në Instagram dhe mendoja se ishte vërtet e bukur, por është shumë e trishtueshme që vdiq nga operacioni plastik. Është kaq e frikshme sepse edhe nga një operacion plastik mund të vdesësh”.
Maria, e cila për pak sa nuk vdiq pas operacionit, vazhdoi të paralajmëronte të tjerët për rreziqet e futjes nën thikë.
Ajo iu lut kujtdo që mendonte të bënte një operacion për të gjetur një mjek të mirë, për të zvogëluar mundësinë e gabimeve.
Top Channel
