VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Tre herë kampioni i botës në Formula 1, Nelson Piquet, është urdhëruar të paguajë 780,000 £ për komente raciste dhe homofobike ndaj Lewis Hamilton.
Në një intervistë në nëntor 2021, Piquet përdori një sharje racore duke iu referuar shtatë herë kampionit të botës, kur komentoi përplasjen e Hamilton në Çmimin e Madh të Britanisë me Max Verstappen. Vajza e Piquet, Kelly, është partnerja e rivalit të Hamiltonit, Verstappen.
Në një video tjetër që u shfaq më vonë, Piquet përdori gjuhë raciste dhe homofobike për Hamilton në një intervistë në podcast kur përshkruante sesi Hamilton humbi kampionatin e 2016-ës për Nico Rosberg.
Hamilton bëri thirrje për veprim për të ndryshuar “mendësitë arkaike” pasi pamjet e intervistës u shfaqën në mediat sociale qershorin e kaluar. Piquet i kërkoi falje shoferit britanik, por tha se komentet e tij ishin përkthyer gabimisht .
“Ajo që thashë ishte e menduar keq dhe nuk bëj asnjë mbrojtje për të, por do të sqaroj se termi i përdorur është ai që është përdorur gjerësisht dhe historikisht në gjuhën e folur në portugalishten braziliane si sinonim për ‘djalë’ ose ‘person’ dhe kurrë nuk kishte për qëllim të ofendonte”, tha ai në atë kohë.
Por një gjykatë braziliane nuk u pajtua dhe ka vendosur që ai duhet të paguajë pesë milionë realë brazilianë (780,000 £) si “dëm moral” për komentet.
Hamilton, të cilit iu dha shtetësia nderi braziliane qershorin e kaluar, është shoferi i vetëm me ngjyrë në sport.
Akuzat u ngritën nga katër grupe të të drejtave të njeriut, duke përfshirë Aleancën Kombëtare LGBT+ të Brazilit, e cila kërkonte që Piquet të paguante 10 milionë Real Brazilian për dëmet e pretenduara morale.
Top Channel
