Në Barcelonë protestohet kundër rritjes së çmimeve të qirasë 24/11 11:49
Komisioni i Hetimit në Rusi tha se ka nisur hetimet për vrasjen e një shkencëtari të lartë që është gjetur i vdekur në apartamentin e tij në Moskë në fillim të javës.
Andrey Botikov, i njohur si një nga 18 shkencëtarët që punuan në krijimin e vaksinës Sputnik V kundër kornavrusit në vitin 2020, është identifikuar si viktima i mbytur për vdekje me një rrip, në veriperëndim të Moskës.
Më herët ai i kishte mbijetuar një përballjeje me një të huaj që i hyri me forcë në shtëpi, me të cilin u përlesh për çështje parash, shkruajnë mediat vendase.
Një 29-vjeçar është arrestuar tashmë i akuzuar për vrasjen e shkencëtarit por nuk bëhen të ditura motivet apo lidhjet e tij me viktimën.
Autoritetet thanë se kapën të dyshuarin në kohë rekord pasi tentoi të largohen nga vendngjarja, dhe se ka pranuar tashmë krimin.
Andrey Botikov ishte studiues i vjetër në Qendrën Kombëtare Kërkimore të Epidemiologjisë dhe Mikrobiologjisë.
Ai kishte punuar më parë në qendrën kombëtare të viruseve dhe më pas kishte marrë çmimin “Urdhri i meritës” për punën me vaksinën Sputnik V.
Sputnik ishte vaksina e parë me teknologjinë e ‘vektorit të kombinuar’ kundër Covid-19.
Zhvillimet vijnë pasi një seri zyrtarësh të lartë kanë humbur jetën në rrethana misterioze në Rusi që prej nisjes së konfliktit në Ukrainë./DailyMail/
Top Channel
