Defekti në motor fundos anijen! Shpëton ekuipazhi gjatë peshkimit pranë Sazanit
28/02/2023 19:56
EMRI/ Aksion policor në Vlorë, forcat speciale Shqiponja arrestojnë 25-vjeçarin me armë në makinë 27/05 21:44
Një peshkarexhë është fundosur në ujërat e detit Jon këtë të martë.
Peshkarexha “Bashkimi” me tre persona në bord ka pësuar defekt. Tubat e shkarkimit janë carë dhe për pasojë pjesa e motorit ka marrë ujë.
Tre peshkataret që kanë qenë në bord e kanë pasur të pamundur që heqin ujin i cili bëri që anija të mbytet.
Ndërkohë kapiteni Flori Mezani ka dhënë njoftimin SOS dhe në ndihmë u ka ardhur Roja Bregdetare si dhe policia Kufitare, të cilët kanë bërë të mundur shpëtimin e tre peshkatarëve.
Këto janë pamjet që tregojnë momentet kur peshkatarët mbi pjesën e mbetur të anijes po prisnin të shpëtoheshin.
Anija 18 metra e gjatë kishte dalë sot në orët e para të ditës për peshkim dhe ishte duke gjuajtur në veri të ishullit të Sazanit tre milje detare larg tij.
Mjeti i lundrimit kishte bërë remont total vetëm pak kohë më parë dhe një hetim ka nisur për shkaqet e defektit në bord.
Top Channel
