Situata e krijuar nuk i ka pëlqyer aspak presidentit Florentino Perez dhe sipas mediave spanjolle Ancelotti rrezikon shkarkimin në rast se dështon edhe në Botërorin për klube. “Madrilenët” avancuan në finale ku do të përballen me Al Hilal dhe në rast triumfi italiani mund të vazhdojë të qëndrojë në stolin e Realit.
Megjithatë sipas mediave braziliane një takim mes presidentit të federatës braziliane Ednaldo Rodrigues, dhe Florentino Perez është planifikuar për këtë muaj, për të diskutuar rreth të ardhmes së trajnerit Carlo Ancelotti.
Marrëdhënia e mirë e trajnerit me lojtarët brazilianë mund të jetë një armë plus për të marrë drejtimin e Brazilit. Aktualisht, Ancelotti drejton Rodrygo, Vinicius dhe Eder Militao te Reali Madridid.
