Doli nga fusha mes lotësh/ Zbulohet dëmtimi i Armando Brojës, ja sa pritet të mungojë sulmuesi i Kombëtares shqiptare 10/01 17:33
Ajaxi i Amsterdamit ka shkarkuar trajnerin Alfred Schreuder pas barazimit 1-1 në shtëpi me skuadrën e Volendamit në Eredivisie.
Bëhet fjalë për barazimin e gjashtë radhazi dhe për një ecuri të papracedentë negative me gjashtë barazime dhe një humbje në shtatë takimet e fundit.
“Harkëtarët e Amsterdamit” tani renditen në vendin e pestë në Eredivisie, shtatë pikë prapa liderit Feyenoord. “Është një vendim i dhimbshëm, por i nevojshëm. Përveç një fillimi të mirë të sezonit, ne kemi humbur në mënyrë të panevojshme shumë pikë,” deklaroi shefi ekzekutiv i Ajaxit, Edwin van der Sar, në faqen e klubit.
“Ne i dhamë Alfredit kohën dhe besimin tonë për të ndryshuar mënyrën se si po shkonin gjërat”, por “na u bë e qartë se ai nuk mund të ndryshonte rrjedhën e gjërave,” shtoi ai. Ajax nuk ka fituar në kampionat që nga 22 tetori. Alfred Schreuder mbërriti tek Ajax verën e kaluar nga Club Brugge për të zëvendësuar trajnerin Erik ten Hag i cili u transferua te Manchester United.
Top Channel
