Çmimet dhe trofetë nuk kanë fund për Lamine Yamal, 17-vjeçari shpallet “Golden Boy” për vitin 2024 27/11 18:30
Legjenda e Brazilit, por edhe e të gjithë futbollit botëror, Ronaldinho së fundmi është ndalur të flasë për finalen e Kupës së Botës, atë mes Argjentinës dhe Francës.
Ish-futbollisti thekson se të dyja skuadrat meritojnë ta fitojnë trofeun ndërsa shton se Brazili i tij u gjend nën presion dhe nuk e përballoi atë.
“Finalja? Të dyja skuadrat e meritojnë ta fitojnë atë dhe është pak e vështirë të parashikosh. Brazili kishte një skuadër të shkëlqyer, por gjërat nuk shkuan siç e mendonim. Brazili vijon të vuajë presionin, sepse kur mendojmë për futbollin, mendojmë për Brazilin. Por, më duhet të them se kjo skuadër ishte me shumë talent dhe shpresoj që kjo gjeneratë të fitojë diçka.
Messi? Ky nivel që ppo tregon në Botëror është normal për një si ai, prej vitesh tashmë është më i miri. Është Botërori i tij i fundit, por për mua aim und të luaj deri në moshën 50-vjeçare pasi ka shumë kualitet në krahasim me futbollistët e tjerë.
Mbappe? Më pëlqen ta shoh kur luan futboll, jam i lumtur për atë. Bën gjithçka mirë dhe është ende shumë i ri. Ka gjithçka, kualitet, shpejtësi dhe driblim. Pastaj kur është para portës shfaqet shumë i sigurt. Janë cilësi që ne brazilianëve na pëlqejnë shumë, ndaj e duam shumë. Në fund, ka edhe një personalitet shumë të fortë”, tha Ronaldinho.
Top Channel
