Këshilli NATO-Ukrainë takohet lidhur me sistemet ajrore! A mund ta furnizojnë aleatët Kievin? 19/04 09:41
Agjencia amerikane e hapësirës Nasa ka sjellë në shtëpi anijen e saj të astronautëve të gjeneratës së ardhshme pas një misioni gati 26-ditor në orbitën e Hënës.
Kapsula Orion ra në Oqeanin Paqësor pas një rihyrjeje të zjarrtë në atmosferën e Tokës dhe një zbritje që u ngadalësua më tej nga parashutat.
Për shkak se ky ishte një test, nuk kishte njerëz në bord këtë herë, por kjo do të ndryshojë për fluturimet e ardhshme të cilat mund të fillojnë në fund të vitit 2024 dhe përfshijnë 2025 ose 2026, një përpjekje për të rivendosur njerëzit në sipërfaqen hënore.
Kjo u arrit për herë të fundit saktësisht 50 vjet më parë deri më sot nga ekuipazhi i Apollo 17. Projekti i ri i agjencisë quhet Artemis, e cila në mitologjinë greke ishte motra e Apollonit.
“(Gjatë Apollonit) ne bëmë të pamundurën të mundur. Tani, ne po e bëjmë këtë përsëri, por për një qëllim tjetër, sepse këtë herë ne kthehemi në Hënë për të mësuar të jetojmë, të punojmë, të shpikim, të krijojmë, në mënyrë që të shkojmë në kozmos për të eksploruar më tej. Plani është që të përgatitemi për të shkuar me njerëzit në Mars në fund të dekadës së viteve 2030, dhe më pas edhe më tej”, tha administratori i NASA-s, Bill Nelson.
Automjetet që kthehen nga distancat hënore e bëjnë këtë me shpejtësi shumë të lartë – rreth 40,000 km/h në kontaktin fillestar me atmosferën, ndërsa kërkohet një mburojë e fortë e nxehtësisë për të parandaluar që anija të copëtohet pasi ajo shtyhet kundër ajrit dhe temperaturat arrijnë afër 3000C.
Shtresa mbrojtëse në pjesën e poshtme të Orionit është një dizajn i ri i NASA-s.
Pamja spektakolare e 11 parashutave të kapsulës që shpërndaheshin dhe fryheshin në sekuencë ishte tregues i qartë se mburoja e nxehtësisë kishte bërë punën e saj, shkruan BBC.
Top Channel
