“Më mori 6000 euro dhe s’më hap telefonin”, biznesmeni akuzon Erjola Doçin, çfarë ndodhi në emision 17/11 19:08
Kostoja mesatare e jetesës është rritur me 8.1% në vitin 2022, për shkak të luftës ruse në Ukrainë dhe efekteve të vazhdueshme të pandemisë.
Konstatimi është kryer nga Njësia e Inteligjencës Ekonomiste (EIU) sipas Indeksit të Kostos së Jetesës në mbarë botën për vitin 2022, e cila ka vlerësuar qytetet më të shtrenjta për këtë vit.
“Lufta në Ukrainë, sanksionet perëndimore ndaj Rusisë dhe politikave të Kinës me zero Covid kanë shkaktuar probleme të zinxhirit të furnizimit që, të kombinuara me rritjen e normave të interesit dhe ndryshimet e kursit të këmbimit, kanë rezultuar në një krizë të kostos së jetesës në të gjithë botën”, tha Upasana Dutt, kreu i kostos së jetesës në mbarë botën në EIU.
Shkaku më i rëndësishëm i rritjes së çmimeve në Evropën Perëndimore ishte rritja e çmimeve të gazit, Kostoja e një litri benzinë është rritur me 22% krahasuar me këtë periudhë të vitit të kaluar, ndërsa edhe vlera e barabartë e euros ëshë përmendur si faktor.
Çuditërisht, qytetet ruse Moska dhe Shën Petersburg panë rritje të konsiderueshme në kostot e jetesës, ndërsa kryeqyteti i Ukrainës Kiev nuk u analizua këtë vit.
Kjo është hera e parë që qyteti më i madh në SHBA, Neë York ngjitet në vendin e parë, megjithëse në një barazim me fituesin e përhershëm, Singaporin.
10 qytetet më të shtrenjta në botë për të jetuar në vitin 2022
1. Nju Jork dhe Singapori
3. Tel Aviv, Izrael
4. Hong Kong dhe Los Angeles
6. Cyrih, Zvicër
7. Gjenevë, Zvicër
8. San Francisko, Kaliforni
9. Paris, Francë
10. Kopenhagë, Danimarkë
Top Channel
