Arbër Çepani nuk zhgënjen! Surprizon jurinë me një “Samba” në “DWTS”
22/10/2022 00:29
“Dancing With The Stars”, programi që theu rekordet e shikueshmërisë! 28/01 11:33
Nën këngën ritmike të Anjeza Brankës që rrëmbeu çmimin e Top Fest shumë vite më parë, Arbër Çepani rrëmbeu sot zemrat e jurisë me një Samba.
Në skenën e Dancing With The Stars, Arbri arriti të përcjellë një atmosferë si të ishte duke performuar në ndonjë plazh në Cuba.
Të paktën kaq mirë u prit nga komentet dhe pikët e jurisë.
“Entuziazmi Erisës tregoi sesa mirë ishe ti sot. Punë e mirë, duket sikur sambën e ke në gjak”- tha Armandi.
“Për mua e mbajti linjën e këtij zhaneri. Hapat anësore nuk ishin të realizuara deri në fund, duhet të bësh pak kujdes”- ishte kritika e kryetarit të jurisë Kledi Kadiut.
“Sinkroni është i plotë. Ti je në habitatin tënd, sa unë harrova që je në skenë. E shijove deri në fund”- tha Valbona Selimllari.
“Thelbi i çdo performance është që të jesh i besueshëm. Ti e arrite”- ishte komenti i Dalinës.
Ata arritën të merrnin 32 pikë nga juria e Dancing, duke ndarë kështu vendin e parë me Salsanon dhe Elhaida Danin.
Nëse Arbri dhe Erisa janë të preferuarit tuaj mund t’i mbështesni ato me mesazhin Vip4.
Televotimi është i hapur zyrtarisht dhe të gjithë do mund të votojnë nga Shqipëria dhe nga Kosova. Pesha do të jetë 50% tek pikët e jurisë dhe 50% votat e publikut.
Këtë javë, spektakli i “DWTS” zhvillohet me një konkurrent më pak, pasi sipërmarrësi Ilir Dushkaj dhe partnerja e tij Frenki ishin të eliminuarit e parë të spektaklit, të premten e kaluar.
Top Channel
