Kim Kardashian shkëlqen në Met Gala me veshje të frymëzuar nga vitet ’60, bashkëpunim me artistë të njohur 06/05 09:30
Miley Cyrus ishte një nga protagonistet kryesore të iHeartRadio Music Awards 2026, ku u nderua me çmimin prestigjioz “Innovator”.
Gjatë fjalimit të saj, artistja nuk i mbajti emocionet teksa rikujtoi fillimet në industrinë e muzikës dhe aktrimit, veçanërisht rolin që e bëri të famshme në mbarë botën, Hannah Montana.
Cyrus, e cila së fundmi shënoi 20-vjetorin e serialit, theksoi se ky personazh ka pasur një ndikim të thellë në formimin e saj artistik dhe identitetin që ka ndërtuar ndër vite.
“Hannah Montana më frymëzoi shumë në karrierën time… ndonjëherë ‘ti’-ja e rreme mund të zbulojë ‘ti’-në e vërtetë -u shpreh ajo, duke reflektuar mbi rrugëtimin e saj dhe mënyrën si ka evoluar në skenë.
Ajo shtoi se për të, inovacioni nuk do të thotë të heqësh dorë nga e kaluara, por ta përfshish atë në procesin e zbulimit të vetes.
Në fund, Cyrus theksoi se suksesi i vërtetë nuk matet me çmime, por me ndikimin që muzika ka tek njerëzit, duke e mbyllur fjalimin me mirënjohje dhe ndjeshmëri./Tar
Top Channel
