VIDEO/ Shpërthim i fuqishëm në një fabrikë municionesh në Turqi, 12 të vdekur dhe 4 të plagosur 24/12 13:11
Mbretëresha e Danimarkës, Margrethe II ka kërkuar falje pasi u ka hequr titujt mbretërorë të katër nipërve të saj, por nuk e ka anuluar vendimin.
Ajo tha se dëshironte që monarkia të “mbahej me kohën” dhe se vendimi i saj kishte marrë një kohë të gjatë që do të tregonte për të të ardhmen e institucionit.
Vendimi fillestar u shpall javën e kaluar,
“Titujt e princit dhe princeshës që ata kanë mbajtur deri më tani do të ndërpriten”, thuhet në deklaratën fillestare.
Princi Joachim, djali i vogël i mbretëreshës Margrethe tha se ishte i mërzitur nga kjo.
“Nuk është kurrë mirë të shohësh fëmijët e tu të keqtrajtohen kështu”, tha ai për Ekstra Bladet.
“Ata e gjejnë veten në një situatë që nuk e kuptojnë”.
Gruaja e tij, Princesha Marie, tha se fëmija i saj më i vogël ishte ngacmuar në shkollë pas kësaj ngjarjeje.
Në një intervistë , çifti tha gjithashtu se Margrethe nuk kishte folur me ta që kur u njoftuan ndryshimet.
Njëri prej nipërve, Princi Nikolai, tha se familja e tij ishte “tronditur” nga vendimi.
Nga fillimi i vitit 2023, katër fëmijët e Joachimit – Princi Nikolai, 23 vjeç, Princi Felix, 20, Princi Henrik, 13 dhe Princesha Athena, 10 vjeç, do të njihen me titujt Konti dhe Kontesha e Monpezatit në vend të Princit dhe Princeshës.
Pallati tha se ky ishte vendim i monarkes daneze për të pakësuar monarkinë.
“Madhështia e saj Mbretëresha dëshiron të krijojë kornizën për katër nipërit që të jenë në gjendje të formësojnë jetën e tyre në një masë shumë më të madhe”, thuhej në deklaratën e javës së kaluar.
“Askush nuk duhet të ketë dyshime se fëmijët, nuset dhe nipërit e mi janë gëzimi dhe krenaria ime e madhe. Tani shpresoj që ne si familje të gjejmë qetësinë për të gjetur rrugën përmes kësaj situate”, tha ajo.
Djali më i madh i mbretëreshës Margrethe II, Princi i Kurorës Frederik, është i pari në radhën e fronit. Katër fëmijët e tij do të ruajnë titujt e tyre.
Gruaja e tij, Princesha e Kurorës Mary, mbështeti Mbretëreshën, duke thënë se “ndryshimi mund të jetë i vështirë dhe mund të dëmtojë vërtet. Por kjo nuk do të thotë se vendimi nuk është i duhuri”.
Monarkja daneze, 82 vjeç, rezultoi pozitive me Covid-19 pasi mori pjesë në funeralin shtetëror të Mbretëreshës Elizabeth II, e cila ishte kushërira e saj e tretë.
Top Channel
