Lufta në Ukrainë/ Shtatë të vrarë nga sulmet ruse në Sumi, mes tyre edhe fëmijë 19/11 09:49
Donald Trump ka vënë në lojë sot presidentin Joe Biden për karrien në radhë të 14-të në funeralin e mbretëreshës Elizabeta II në kështjellën Windsor.
“Ja çfarë i ndodhi Amerikës brenda dy viteve. Nuk ka më respekt!” shkruante ish-presidenti në rrjetin e tij ‘Truth Social’. “Gjithsesi është një rast i mirë që presidenti të njohë disa liderë nga Bota e Tretë”, shtonte ai.
“Ashtu si me prona e patundshme, edhe në jetë dhe politikë, Vendndodhja është gjithçka,” vijonte më tej ironinë Trump.
Biden dhe zonja e parë e SHBA, Dr Jill Biden erdhën në fundjavë në Londër për të dhënë ngushëllimet e tyre për mbretëreshën e Britanisë.
“Zemrat tona janë me familjen mbretërore, me mbretin Karl e familjen e tij,” tha Biden të shtunën.
Në kapelën e Shën George ku u mbajt funerali ishin prezentë rreth 500 krerë shtetesh dhe familje mbretërore.
Edhe pse Trump nuk ishte i ftuar në shërbesën në Londër, qeveria ka në plan ta ftojë ish-presidentin në një memorial që do të mbahet në katedralen kombëtare në Washington.
Trump ka thënë se ishte admirues i mbretëreshës Elizabeta.
“E kam takuar dhe ishte e pabesueshme, kishim një lidhje të shpejtë”, ka thënë ai në një intervistë me rrjetin Fox News.
Top Channel
