Vatra e zjarrit në zonën e quajtur Liqeni i Zi, mes Bashkisë së Belshit dhe Peqinit është riaktivizuar.
Zjarri mori përmasa të mëdha dy ditë më parë ku u dogjën më shumë se 15 hektarë pyll. Forcat zjarrfikëse dhe banorët e zonës po punojnë për vënien nën kontroll të flakëve.
Bashkia e Belshit kërkon nga institucionet ligjzbatuese identifikimin dhe vënien para përgjegjësisë çdo individ që qëllimisht dëmton me zjarr pronën publike.
Vetëm në Bashkinë e Elbasanit sot ka pasur 4 vatra zjarri. Pas asaj të Shijonit, të tjerat kanë qenë më të vogla. Në të gjithë qarkun e Elbasanit janë raportuar rreth 10 vatra në 24 orët e fundit.
Top Channel
