Kore anti-shqiptare në Bukuresht/ Ndërpritet sfida Rumani-Kosovë, kapiteni Rrahmani merr lojtarët drejt dhomave të zhveshjes 15/11 23:37
Ish-ushtaraku Bajram Begaj mori këtë të diel detyrën si kreu i ri i shtetit në Republikën e Shqipërisë, duke u bërë presidenti i 8-të i vendit.
Në orën 18:20, Bajram Begaj mbërriti në sallën e seancave plenare të Kuvendit, i shoqëruar nga bashkëshortja dhe fëmijët, ku u prit në hyrje të godinës nga kryeparlamentarja Lindita Nikolla. Para ligjvënësve, Bajram Begaj bëri betimin si President i Republikës, ndërsa të pranishëm në sallën e Kuvendit ishin edhe përfaqësues diplomatik.
Rreth një orë më vonë, Begaj mbërriti në ambientet e Presidencës, aty ku u bë dorëzimi i detyrës nga Presidenti , Ilir Meta, tek Presidenti i ri Begaj. Në mënyrë simbolike kryetarja e Gjykatës Kushtetuese, Vitore Tushaj, i dorëzoi Presidentit Begaj, kushtetutën e vendit dhe ceremonia u shoqërua me 21 të shtëna topi.
Në ceremoni ishin figura të shquara të politikës shqiptare, diplomatë, homologë, politikanë të mazhorancës e opozitës, njerëz të medias, akademikë e përfaqësues të komuniteteve fetare, etj, të cilët mund t’i shihni në foto-galerinë e mëposhtëme.
Top Channel
