Arbitri thith kokainë?! Brenda pak ditësh ndryshon jeta dhe karriera e gjyqtarit anglez 14/11 15:54
Robert Lewandowski, i cili u shpall golashënuesi më i mirë në Bundesligë për herë të shtatë në karrierën e tij, dëshiron të largohet nga Bayerni i Mynihut.
“Nuk do të nënshkruaj një kontratë të re. Ne duhet të gjejmë zgjidhjen më të mirë për të dyja palët. I thashë klubit se nëse vjen një ofertë, atëherë do të duhet të mendojmë për të,” – tha Lewandowski në fundin e ndeshjes kundër Wolfsburgut.
“Është shumë e mundur që kjo jetë ndeshja ime e fundit me ngjyrat e Bayernit. Nuk mund ta them me 100 për qind siguri, por është e mundur. Ne duam të gjejmë zgjidhjen më të mirë për veten dhe për klubin”, – shtoi sulmuesi polak. Fjalët e Lewandowskit rikonfirmuan njoftimin e mëparshëm të drejtorit sportiv të kampionëve të Gjermanisë, Hasan Salihamidzic:
“Unë fola me Lewan. Gjatë bisedës ai më tha se nuk donte ta pranonte ofertën tonë për të rinovuar kontratën dhe se do të dëshironte të largohej nga klubi.”
Lewandoski e mbylli sezonin ee Bundesligës këtë të shtunë me golin e tij të 35-të dhe mori çmimin e golashënuesit më të mirë. Është hera e shtatë që e arrin, duke barazuar legjendarin Gerd Müller me të pestin radhazi.
Top Channel
